Поради изведување градежни работи на експресниот пат Штип – Кочани, сообраќајот на делницата од Компостарата до Подлошката крстосница на магистралниот пат А3 денеска се одвива со пренасочен режим. Од АМСМ апелираат до сите учесници во сообраќајот на зголемено внимание и на почитување на сообраќајната сигнализација за времен режим.
На останатите државни патишта сообраќајот се одвива непречено по суви коловози со умерен интензитет на патните правци надвор од градските средини.
На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.