Тестот за коронавирус на премиерот Оливер Спасовски е негативен, информираше тој преку статус на Фејсбук.
„Само што ги добив резултатите од денешниот Ковид-19 тест. Тестот е негативен и немам никакви симптоми, а додека не ги добијам официјалните препораки од епидемиолозите ќе останам во домашна изолација“, напиша Спасовски.
„На сите кои се соочуваат со вирусот им посакувам брзо оздравување и уште еднаш силно апелирам сите да ги почитуваме мерките, за да му овозможиме на здравствениот систем да ја одржи контролата врз кластерите каде се појавуваат нови случаи на заболени“, напиша Спасовски.
Позитивни на коронавирусот се потпретседателот на СДСМ Мухамед Зекири и директорката на УЈП Сања Лукаревска. Во домашна изолација се вицепремиерката Мила Царовска, Дамјан Манчевски и Марјан Забрчанец од центарот за информирање, кои ќе бидат во домашна изолација и ќе бидат тестирани во текот на неделата.