Антикорупциската комисија поднесе прекршочна пријава против директорката на Хематологија, Ирина Пановска – Ставридис за неподнесување анкетен лист за имотната состојба.
Пановска била именувана за в.д директор на 14.08.2017 и досега постојано и бил продолжуван мандатот на 6 месеци, што значи дека таа имала обврска по истекот на секој шестмесечен мандат да доставува анкетен лист дека и завршила функцијата.
Пановска е именувана на директорката функција четири пати, а таа дури пред една недела, на 15 мај ги доставила сите анкетни листови за имотната состојба одеднаш.
Антикорупциската комисија веќе отвори предмет за докторката Ирина Пановска – Ставридис, в.д. директорка на Клиниката за хематологија, за можно местење тендери во корист на веледрогеријата „Пановски“ во сопственост на татко ѝ.
Антикорупционерите ќе испитуваат и како Пановска-Ставридис унапредувала лекари во раководители на одделот.Пријавата до ДКСК ја доставиле анонимни граѓани и група загрижени лекари.
Мери Јордановска