Седумгодишно дете е тешко повредено откако во него удрил автомобил синоќа околу 18 часот на ул. „20“ во село Сарај.
Од Министерството за внатрешни работи информираат дека во детето удрило патничко моторно возило „Сеат Ибица” со скопски регистарски ознаки, управувано од А.Т.(60) од Скопје.
По незгодата, детето со друго возило било пренесено во комплексот клиники „Мајка Тереза”, каде му биле констатирани тешки телесни повреди и е задржано на лекување.
Увид на местото на настанот извршила екипа од СВР Скопје.