58-годишник од Сарај е возачот на аудото кое вчера вечер прегази и усмрти пешак во близина на општинската зграда во Ѓорче Петров информираче Министерството за внатрешни работи. Жртвата е жител на Грчец на 65 години.
– На 25.05.2022 околу 21.30 часот во СВР Скопје било пријавено дека на крстосница од ул.„Ѓорче Петров“ и ул.„Никола Пушкаров“ во Скопје, патничко возило „ауди а6“ со скопски регистарски ознаки, управувано од М.Ј.(58) од с.Сарај, удрило во пешакот С.Р.(65) од с.Грчец, општина Сарај се вели во информацјата од МВР.
На местото на несреќата починал пешакот С.Р., а смрт констатирал лекар од Итна медицинска помош. Увид на местото извршиле екипа од СВР Скопје и Јавен обвинител, по чија наредба телото на починатиот било дадено на обдукција.