74-годишен велосипедист со тешки телесни повреди бил пренесен во Комплексот клиники „Мајка Тереза“ откако во него со „цитроен Ц5“ удрил непознат возач и го напуштил местото на несреќата, информира Министерството за внатрешни работи.
– Вчера во 09:30 часот било пријавено дека на крстосницата од улица „Самоилова“ и сервисна улица што ги поврзува улицата „Самоилова“ и улицата „Иљо Војвода“ во Скопје, патничко возило „цитроен Ц5“, со скопски регистарски ознаки, управувано од непознат возач, удрило во велосипед, управуван од Т.Т.(74) од Скопје и го напуштило местото на незгодата, известува МВР.
Во незгодата со тешки телесни повреди се здобил велосипедистот, констатирани во Комплексот клиники „Мајка Тереза“.
Извршен бил увид од увидна екипа од СВР Скопје и се работи на расчистување на случајот.
