Осумдесетгодишен жител на Дебар се здобил со тешки телесни повреди откако во него удрил сограѓанин со патничко моторно возило.
Според информациите од полицијата, синоќа околу 20.55 часот во Одделението за внатрешни работи било пријавено дека на улицата „Иса Болетини“ во Дебар, патничко возило „фолксваген голф“ со дебарски регистарски ознаки, управувано од Е.Б. (20) од Дебар, удрило во пешакот Н.Л. (80) од Дебар.
Како што информира портпаролот на СВР Охрид, Стефан Димоски, во несреќата пешакот се здобил со тешки телесни повреди, констатирани во Специјална болница „Св. Еразмо“.
На местото на настанот увид извршила увидна екипа од ОВР Дебар.