Синоќа во околу 23 часот и 15 минути бил прегазен пешак на магистралниот пат Велес – Штип кај клучката за село Каратманово, при што тој починал на лице место.
Сообраќајната незгода се случила кога лицето О.М. (33) од Струмица со своето моторно возило удрило во пешак Т.Ј. (57) од село Мамутчево, велешко, при што истиот починал на лице место, а возачот не застанал туку продолжил кон СВР-Велес, каде што го пријавил случајот.
На местото на настанот увид извршила екипа од полициската станица во Свети Николе, а по наредба на јавен обвинител над телото на починатиот ќе се врши обдукција. О.М. бил приведен во полициска станица, а неговото возило било задржано во кругот на СВР-Велес.