Предновогодшна забава за најмладите се одржа денеска на градскиот плоштад во Куманово, каде Дедо Мраз подели подароци и ги израдува најмладите на забавата која традиционално ја организира општината.
Децата ги забавуваа балетски и танцови студија „Фјужн“ и „Ултра“, а пред присутните се обрати градоначалникот на општина Куманово, Максим Димитриевски.
– На најмалите им посакувам во 2018 година да ги слушаат повеќе своите родители, своите професори, и да бидат примерни и добри деца и граѓани, а на вас почитувани родители благодарност за се што направивте во 2017 за нашиот град, за нашата општина и нашата држава. Ви посакувам просперитетна и успешна 2018 година во која што ќе има живот за секој граѓанин на Република Македонија, рече Димитриевски.