Испразнетите места во работните тела на Собранието на Република Македонија каде членуваа поранешни пратеници, на денешната седница на Комисијата за прашања на изборите и именувањата беа пополнети со нови имиња.
Се очекува на пленарна седница наредната недела за утврдените Предлог-одлуки во врска со новиот состав на собраниските тела да се изјаснат пратениците.
Предлог-одлуката за именување на заменици на генералниот секретар на Собранието на Република Македонија не беше разгледана на седницата. Членовите на Комисијата оваа точка ќе ја разгледаат на продолжението на оваа седница која ќе биде дополнително закажана.