По само една недела од пуштањето во употреба на Пречистителната станица во Гевгелија, обработената и испуштена вода во реката Вардар ги задоволува потребите во врска со концентрациите на материи во водата која се испушта во реципиентот, велат од гевгелиското комунално претпријатие кое стопанисува со станицата.
– Кога доаѓа во станицата, според мерењата отпадната вода има многу високи биолошки вредности на загадување пред да влезе во трите паралелни линии за третман што се опремени со автоматизирани уреди и одделени по функција. По извршениот третман водата излегува со намалени вредности на загадување во рамки на утврдени параметри и се влева во реката Вардар, велат комуналците од Гевгелија.
Генерираната материја од водата ја прифаќа линијата за тиња што во посебен резервоар ја згуснува и ја одвезува од пречистителната станица со можност да се користи понатаму за ѓубрење на неземјоделски површини или пак како покривка на депониран цврст отпад.