Претседателот на Собранието Талат Џафери очекува идната недела опозицијата да се вклучи во работата на Собранието.
Според него ВМРО-ДПМНЕ нема повеќе оправдувања да ги бојкотира седниците, бидејќи се отстранети причините за нивното отсуство.
– Аргументот кој го имаше ВМРО-ДПМНЕ беше поврзан со притворените пратеници за настаните од 27 април. Меѓутоа, Врховниот суд минатата недела ги ослободи од затворот во Шуто Оризари и им даде куќен притвор. Тоа значи дека овој аргумент е веќе елиминиран, а опозицијата нема друг за да го оправда неучеството во работата и расправите на седниците, смета Џафери.
Опозицијата денеска не учествува на седницата за пратенички прашања. Од ВМРО-ДПМНЕ велат дека допрва ќе ја донесат одлуката дали ќе се вратат во собраниските клупи.
Галена Николовска Ризвановиќ