За време на одржувањето на седницата за пратенички прашања, опозицијата предводена од СДСМ во паркот „Жена борец“, наспроти Собранието, организираше, како што го нарекоа, граѓански парламент.
Претставници на опозицијата и граѓани поставуваа прашања до Владата. Јани Макрадули, пратеник и кандидат за градоначалник за Скопје го најави поставувањето прашања, посочувајќи дека тие денеска се наоѓаат на местото каде што се вистинските прашања.
Граѓанскиот парламент го водеше Калинка Габер, една од асистенките на пратеничката група која рече дека била избркана од Собранието без претходна најава.
„Денеска вистинскиот парламент е овде. Во Собранието можеби ќе ги гледаат снимките како полицијата тепа пратеници. Нѐ исфрлија на улица, но нема да нѐ замолчат“, рече Макрадули.
