Вообичаениот последен четврток од месецот, кој е резервиран за пратенички прашања, утре, за прв пат во овој собраниски состав, ќе помине без прашањата на опозицихата.
Од парламентарната опозиција најверојатно само пратениците од ДПА ќе присуствуваат и ќе се обидат да добијат одговор од министрите и од премиерот Никола Груевски на своите прашања.
Секако, најбројни ќе бидат прашањата на пратениците од владејачкото мнозинство, кои овојпат ќе можат непречени од никого да ја прашуваат владата за она што ги интересира.
Првите денови од опозициското отсуство собраниските служби ги користат за чистење на катот на кој се наоѓаат канцелариите на пратениците на СДСМ.