Во несреќата, која се случи вчера во 16 часот и 45 минути, на магистралниот пат Куманово – Крива Паланка, кај Смилчинци настрадаа шест лица.
Во автомобил марка „БМВ“ со скопски регистерски таблички животот го загубија Љупчо Л.(39) од Скопје, со сопатниците Елена К.(33) од Пробиштип, Петар Л.(6) и Јована Л.(4).
Во возилото „Пасат“ со кумановски регистарски ознаки беа Ласте Ј.(50) и неговиот сопатник Владимир Б.(55), двајцата од Куманово.
Од силината на ударот опожарени се двете возила, а на лице место починати се сите шест лица.