Ј. С. (58) од кичевското село Лавчани загинал во вчерашната сообраќајна несреќа што се случила на магистралниот пат Кичево – Охрид. Според полицијата, сообраќајната несреќа се случила по директен судир на автомобил „пасат“ и автмобил „сузуки марути“.
„Сообраќајната несреќа се случи во 13.55 часот на магистралниот пат Кичево – Охрид, во близина на кракот за кичевското село Добреноец. Критичното време дошло до судир на автомобил „сузуки марути“ со кичевски регистарски ознаки, управуван од Ј. С. (58) од селото Лавчани, и „пасат“ со кичевски ознаки, управувано од С. С. (30) од Кичево. Од силината на ударот Ј. С. (58), возачот на „марутито“, починал на самото место, а С. С. (30) и сопатникот С. С. (51) добиле телесни повреди“, информираат од охридската полиција.
Автомобилот „сузуки“ се движел од Охрид кон Кичево и по ударот, се превртел на покривот.