Пожарот кај Кадрифаково во поголем дел е ставен под контрола, а огнените јазици зафатија мал дел од боровата шума.
Според Дирекцијата за заштита и спасување, на лице место интервенира по една екипа од Велес и Куманово, како и три противпожарни возила од Свети Николе.
Побарана е помош и од воздух, при што во гасењето се вклучени и авионите. Малку недостасуваше огнената стихија да ги зафати куќите
Пожарот во атарот на селото Пестриша е локализиран, додека пожарот во атарот на селото Вражале се префрли во повисоките делови на шумата, заради што е побарана интервенција од воздух.
Пожар има и во атарот на кумановското село Гошинце, во битолско Богровено, а огнената стихија над Вратница, Општина Јегуновце, се шири со поголеми размери.