Во екот на жетвата од Територијалната Противпожарна Единица во Велес упатуваат апел до земјоделците во поширокиот велешки регион да превземат превентивни мерки и да не ги палат стрништата по жетвата, со што ќе ја елиминираат опасноста од пожари во шумите.
Љупчо Лепидовски командир на ТППЕ од Велес, потсетува дека палењето стрништата е забрането со закон, а на земјоделците им порачува кога ќе завршат со жетва да изораат заштитен појас околу парцелите. Сето тоа, подвлекува, во случај на пожар да не се прошири и на околните шуми, со што ќе настрада и дивечот.
Според Лепидовски, превентивните мерки и разговори што ТППЕ од Велес ги има со земјоделците од Велешко во изминатите неколку лета веќе вродиле со плод односно драстично бил намален бројот на пожари.