Деведесет сантиметри порасна, вчера утро, нивото на водата во реката Бабуна и се излеа од речното корито. Најризично беше во долниот тек на реката кој велешани го користат како излетничко место во лето, објави Дума.
Таму има новоизградени куќи а во една од нив во близина на фудбалското игралиште водата зароби две жени. Оваа случка денеска ја раскажаа пожарникарите кои вчера биле повикани да помогнат. Дел од нив тврдеа дека за првпат виделе толку многу вода во реката, особено во тој дел од течението што оправдано создало страв и паника кај двете жени.