Татко и син нападнале двајца пожарникари од Бригадата за противпожарна заштита додека им го гаснеле запалениот автомобил „БМВ“ на улицата „Исаија Мажовски“ во Скопје.
Како што информира МВР, синоќа околу 01:50 часот на З.В.(25) одеднаш му се опожарил предниот дел на патничкото возило „БМВ“ додека го стартувал, на само неколку метри од местото каде што бил паркиран. Од пожарот било зафатено и друго возило „Ауди“со скопски регистерски ознаки, сопственост на С.С.(41).
– Од страна на Бригадата за противпожарна заштита пожарот е локализиран, а додека пожарникарите го гаснеле пожарот, З.В. и неговиот татко С.В.(49) физички нападнале двајца пожарникари. Тие се приведени, извршен е разговор со нив и по целосно расчистување ќе следи соодветен поднесок, соопшти МВР.