Центарот за управувњае со кризи (ЦУК) информира дека денеска, од 12:00 часот, пет пожарникари со две противпожарни возила интервенираат на пожар на неутврдена површина во атарот на селата Соње и Добри Дол, во Општина Сопиште.
Со пожарот е зафатена ниска вегетација. Од ЦУК нагласуваат дека во моментов ситуацијата е под контрола.
Скопските пожарникари денеска интервенираат и поради запалено ѓубре и сува трева на Качанички Пат, кај Визбегово.
Исто така, кај железничката и автобуската станица во Скопје информациите кои ги добиле во ЦУК се дека се работи за запалена сува трева помеѓу праговите на жекезничката пруга. На терен има екипи.
Дополнително низ земјава има уште осум активни пожари.