Во Македонија пожари беснеат на три локации, кај Македонски Брод, во Скопско и Велешко.
Дирекцијата за заштита и спасување информира дека гори кај селата Црешнево и Белица, општина Македонски Брод. Зафатена е деградирана шума, а на терен се шест лица од шумското стопанство.
Деградирана шума гори и кај село Вражале, општина Зелениково. За гасење се ангажирани пет лица од шумското стопанство.
Пожарот во општина Чашка, кај село Долно Јаболчиште, што зафати шест хектари дабова, габрова и букова шума, се шири кон с.Горно Врановци и с.Горно Јаболчиште, а во неговото гасење е вклучен и еден хелихоптер на АРМ.
Локализиран е пожарот на потегот од с.Дреново до с.Лисиче во општина Чашка, а целосно се изгаснати пожарите кај липковското село Стрима, на Кожуф и кај скопското село Никиштани.