Чувар и тројца затвореници се пренесени во болница, по пожар што избувнал во затворот во Шуто Оризари. Пожарот избувнал вчера околу 12:20 часот, кога била опожарена соба од затвореното одделение во затворот.
Еден припадник на затворската полиција и тројца затвореници биле пренесени во комплексот клиники ,,Мајка Тереза“ за укажување лекарска помош. Пожарот бил изгаснат од страна на екипи од Бригадата за противпожарна заштита. Се преземаат мерки за целосно расчистување на случајот.