Во Казнено-поправниот дом „Идризово“ синоќа избувнал пожар во една од бањите во старото училиште.
Министерството за внатрешни работи денеска соопшти дека пожарот се случил околу 23 часот и 30 минути кога непознат сторител го запалил опожарил таванскиот дел на една од бањите.
Пожарот бил забележан од една од надзорните кули, по што интервенирала Бригадата за противпожарна заштита.
Предизвикана е штета од околу 150 илјади денари, а опожарена е делумно и покривната конструкција.