Материјална штета од околу шест илјади евра претрпел Б.З.(38) од пожарот што изминатата ноќ десетина минути по полноќ избувнал во неговата викендичка во Теново лоцирана во месноста „Барник“, информираше портпаролот на СВР Тетово Марјан Јосифовски.
Пожарот го пријавил братот на сопственикот М.З.(36). Со интервенција на тетовските пожарникари огнот бил локализиран околу 2 часот и 30 минути.
– Во пожарот и при неговото гасење нема повредени, а според пријавителот вкупната материјална штета се проценува на 6000 евра бидејќи целосно изгорел објектот од приземје, кат и покрив како и комлетната покуќнина внатре – печка на дрва, две маси, тепих, комода, гарнитура, кревети, столчиња и друго . Во текот на денешниот ден ќе се изврши увид и ќе се утврдува причината за пожарот и се друго, појасни Јосифовски.