Пожар во тетовско Палчиште, четворица повредени

Од:

Тетовецот Д.З.(69) село Долно Палчиште се здобил со изгореници по телото, а уште три лица биле полесно повредени во пожарот што вчера околу 17 часот избувнал во неговата плевна, информира денеска портпаролот на СВР Тетово, Марјан Јосифовски.

Според полицијата, Д.З. се обидувал со сила да отвори плинско шише во просторијата од плевната која привремено била користена и за живеење додека изведувале градежни работи во нивната куќа.

Поради тоа тука имало повеќе апарати за домаќинство меѓу кои била и печка на дрва која била запалена. Д.З. обидувајќи се да го олабави вентилот на плинското шише употребил предмет и поголема физичка сила и кога го конечно го отворил гасот започнал да брзо да истекува. Во тој момент се зачула и силна експлозија од која испукале прозорците на просторијата и се појавил пламен која ја зафатил нејзината внатрешност. Неговата жена, снаа и уште едно друго лице ја скршиле вратата од племната и успеале да го извлечат старецот кој имал повеќе изгореници по телото и кој по укажаната помош во тетовската клиничка болница била задржан за натамошно лекување.

Како што појасни Јосифовски при неговото извлекување уште три лица се здобиле со полесни повреди и тие по добиената лекарска помош биле пуштени дома. Од пожарот целосно изгорела плевната, а огнот го опожарил и автомобилот Ауди 4, сопственост на синот на Д.З., што бил паркиран во близина.

Со залагање на жителите на селото и пожарникарите од Тетовската територијална противпожарна единица кои брзо пристигнале на местото пожарот бил локализиран и целосно изгаснат. Полицијата извршила увид и работи на утврдување на сите поединости и вкупната материјална штета од овој пожар, рече Јосифовски.

Би можело да ве интересира

Пламна пожар во куќа во Кочани, во болница завршија мајка и ќерка

Горан Наумовски

Најмалку 128 лица загинаа во големиот пожар во Хонг Конг

Пожар во магацин за гуми во Загреб, неколкумина се тешко повредени

(ВИДЕО) Горат седум облакодери во Хонг Конг – најмалку 36 мртви и 279 исчезнати

А1он

Кривична за пироман од Штип: Изгореа делови од две куќи, гаража, шума…

(ВИДЕО) Горат неколку згради во Хонг Конг, се бројат загинатите и повредените

Горан Наумовски