Пожар избувна во стан во Скопје на улицата Даме Груев. Пожарникарите успеаја да го изгаснат огнот пред да се прошири во останатите станови и простории.
На терен освен противпожарните возила може да се забележат и две возила на итната медицинска помош и полиција.
Неофицијално, според исказите на станарите, пожарот е подметнат од нивен сосед кој живее во зградата. Тие тврдат дека сам го запалил својот стан. Како што кажуваат, и претходно го пријавувале и имале проблеми со неговото однесување.
Станарот во чиј што стан беше пожарот во моментов се наоѓа во полициска станица, а неофицијално само еден пожарникар побарал медицинска помош.
Станар од петти кат се жали дека не може да излезе. Тој и неговата жена не можеле да дишат од чадот, а се уште не се евакуирани.
Полицијата не пушта никој да влезе во зградата, иако има станари кои бараат помош за да излезат и гласно негодуваат.
Во склоп на зградата има банки, но и други локали, кои не се опожарени и немаат штета.
К.Л.