Целосно изгоре млекарница „Николови“ во Свети Николе. Пожарот избувнал во 9:00 часот кога работниците заминувале на пауза за доручек. Според првичните информации нема жртви во пожарот, но материјалната штета е голема.
Командирот на Противпожарната единица од Свети Николе, Зоран Трајчев изјави дека пожарот почнал од погонот за пакување на млеко и млечни производи. Сите работници навреме се евакуирани, а пожарникарите извлекле и две големи плински боци со цел да не дојде до експлозија на објектот.
Во интервенцијата на гаснење на пожарот биле вклучени сите пожарникари од Свети Николе, а екипи пристингале и од територијалните противпожарни единици од Штип и од Велес.
Пожарот во моментов е локализиран, а пожарникарите се се уште таму со цел да не дојде до повторно разгорување на огнот.
Во текот на денот се очекуваат допонитлени информации за причините на пожарот.
