Два авиона и 56 припадници на тимовите за брз одговор се ангажирани за гаснење на пожарот во Македонски Брод. Зафатена е борова шума на непристапен терен каде се присутни и четири противпожарни возила, како и околу 20 лица од локалната самоуправа.
Од Дирекцијата за заштита и спасување (ДЗС) информираат дека во гаснењето се вклучени и два хеликоптера на Министерството за одбрана. „Дирекцијата за заштита и спасување е во состојба на зголемена будност и е подготвена во секој момент, ако има потреба, да ангажира тимови за брз одговор за гаснење пожари на отворен простор. Вработените во подрачните одделенија ја следат состојбата на целата територија на Република Македонија“, се вели во соопштението.