Две плевни со околу 2.000 бали сено и околу 10 метри кубни огревно дрво целосно изгореле во пожарот што денеска околу 11 часот избувнал во објектите сопственост на Акики Акик и Зујќуфли Акик во тетовското село Горно Орашје, информираше командирот на територијалната противпожарна единица од Тетово, Ука Алити.
Веднаш по добиената пријава за пожарот било интервенирано со шест противпожарни возила и 10 пожарникари и по околу четири и пол часови пожарот бил локализиран.
– Со големо залагање на пожарникарите и жителите на селото од огнената стихија бил спасен целиот добиток во плевните, четири автомобили што биле паркирани во нивна близина, а со навремената интервенција спречено е проширувањето на огнот на куќите што се залепени за една од плевните, рече Алити.
Увид извршила и екипа на СВР Тетово по што поточно ќе се знаат причините за избувнувањето на пожарот, како и вкупната материјална штета.