На територијата на општина Дојран, помеѓу стар и нов Дојран појавен е пожар на непристапен терен, информираат од Дирекцијата за заштита и спасување.
– Зафатена е површина со нискостеблеста шума и поради непристапноста на теренот по барање на градоначалникот на општина Дојран, Дирекцијата за заштита и спасување ги активира двата противпожарни авиони Ер трактор за локализирање на пожарот, информираат од ДЗС.
Во гасењето на пожарот ангажирани се екипи од општината Дојран, од Територијалната противпожарна единица Гевгелија и ДПД Дојран. Доколку има потреба Дирекцијата за заштита и спасување ќе изврши мобилизација и ангажирање на силите за заштита и спасување.