Повторно беснее пожар над Струмица. Канадерите повторно ја започнаа борбата со огнената стихија.
Иако вчера пожарот на ридовите над Струмица беше целосно изгасен, поради високите температури и подземното горење, повторно се распламти ридот каде што и вчера канадерите гасеа.
После секоја интервенција на канадерите, противпожарни екипи, екипи на Комуналец и на шумското стопанство, гасат се што е останато.
Сите работат со максимално залагање, но поради 7 дневната борба со огнот, веќе се максимално исцрпени.
Ридовите се буквално соголени од моторните пили и прекопани со правење ровови за да се спречи ширење на пламените јазици.
Се презема се за да се спречи ширењето на огнената стихија и да се локализира огненото жариште на постојните локации.
„ Се надеваме дека ровоите кои се направени по ридовите со моторни пили, лопати и мотики, конечно ќе стават крај на дивеењето на огнот“, вели градоначалникот на Струмица, Зоран Заев, кој е цело време со пожарникарите и со екипите и помага да се згаси пожарот.
Од пожарот три лица починаа, има повредени, а и уништена е драгоцена борова шума.