Црн чад повторно денеска се издигна над Скопје, откако беше пријавен нов пожар во реонот на Визбегово, само еден ден по големиот пожар што избувна во истата област.
Според првичните информации, гори сува трева во близина на „Џиди Комерц“ во скопската општина Шуто Оризари, а огнот се шири во правец кон околните куќи.
Неофицијално, на терен гори и ѓубре, што предизвика густ црн чад видлив од повеќе делови на главниот град.
За пожарот е известена Бригадата за противпожарна заштита на Град Скопје, чии екипи се упатени на местото на настанот. Засега нема информации за повредени лица или зафатени станбени објекти.
