Во сообраќајна несреќа помеѓу товарно моторно возило со скопски регистерски таблички и патничко возило со велешки регистерски таблички на патот Велес-Извор кај село Бусилци, што се случила утрово околу 9 часот, повредено е четиригодишно дете, кое било во патничкиот автомобил.
Полицијата се уште врши увид на настанот, а според првичните информации од полицијата имало неколку повредени од кои потешко било повредено четиригодишно машко дете.
Според д-р Јадранка Мишкова од Брзата помош во Велес детето е во тешка општа состојба и вон животна опасност.
По приемот на Хирушкото одделение во велешката Општа болница и укажаната прва помош поради тешките повреди детето со возило на Итна помош на велешката болница е пренесено на понатамошно лекување во скопската државна клиника.
