Единаесетгодишно дете е повредено во сообраќајната несреќа што се случила денеска во 12:35 часот на улица „Благој Ѓорев“ пред зградата бр.127 во Велес, кога во него удрило патничко возило „пежо“ со велешки регистерски ознаки управувано од 46-годишен велешанец.
Како што информира портпаролката на СВР Велес, Анита Стојковска по несреќата пешакот итно бил пренесен во болницата во Медицински центар Велес каде се констатирани телесни повреди и е задржано на лекување.
– По овластување на јавен обвинител, увид на лице место изврши увидна екипа од Секторот за внатрешни работи Велес, информира Стојковска.
Лекарите од хируршкото одделение на велешката Општа болница информираат дека детето се здобило со неколку телесно повреди по телото и е вон животна опасност и е задржено на лекување.