Десет од учениците кои се превезуваа во автобусот кој утринава се судри со комбе на патот Демир Хисар – Кичево се полесно повредени, а потешко повреден е еден од возачите на автобусот.
– Децата се испратени дома без некои потешки повреди. Еден од возачите е прегледан и без некои потешки повреди е пуштен дома, додека другиот е задржан на болничко лекување на Ортопедија. Има фрактура на карлицата и подлив на екстремитетите, вели Зоран Лазарев, директор на Клиничката болница во Битола.