Четворицата припадници на македонските безбедносни сили, кои вчера беа повредени од економските мигранти на јужната граница, ноќта ја поминале стабилно во Општата болница Гевгелија. Утрово, сите биле пуштени дома.
Од Министерството за здравство вчера информираа дека двајца од полицајците добиле удари во пределот на главата преку шлем, еден во пределот на натколеницата и еден во пределот на абдоменот.