Патник во автобус бил потешко повреден во една од вкупно 11 сообраќајки случени во текот на изминтиот ден на подрачјето на СВР Скопје. Во седум сообраќајки полесно биле повредени 14 лица, а во три била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Осумнаесет возачи се движеле со брзина поголема од дозволената, двајца возачи не дале првенство на минување на пешаци, седум возачи за неправилно престројување, како и тројца возачи за некористење заштитен шлем.
Од сообраќај биле исклучени еден возач кој го управувал возилото под дејство на алкохол, 11 возачи пред да се стекнат со право на управување на моторно возило и еден возач почетник, како и 11 нерегистрирани возила. Санкциониран бил и еден пешак кој поминал коловоз вон пешачки премин. Затекнати биле 97 непрописно паркирано возило.
Со помош на специјалното возило „пајак“, отстранети биле 70 возила.
Одделението за превенција при СВР Скопје денеска во рамки на сообраќајно воспитниот проект „Сообраќајна култура на децата во предучилишните установи“ ќе реализира едукативна работилница со децата од средна и голема група во ЈУГД „Кочо Рацин“, објект „Наум Наумовски Борче“ кој се наоѓа во општина Центар.