Во сообраќајна несреќа во Неготино вчера пешак се здоби со тешки телесни повреди.
Сообраќајката се случила на крстосницата од улиците „Браќа Миладинови“ и „8 Ноември“ во 17:40 часот во која непозната марка на патничко моторно возило управувано од засега непознат возач, удрило во пешакот Љ.О. (68) од Неготино, по што го напуштило местото на настанот.
Во незгодата Љ.О. се здобила две фрактури на десна надлактица и една на десен колк, набиеници на десната страна на главата и левата потколеница. На Љ.О. и била укажана лекарска помош во Итната медицинска помош-Неготино, по што била препратена и задржана на лекување во Општа болница-Велес, одделение за трауматологија.
Увид на местото на настанот извршила екипа од Полициска станица-Неготино.