Повици на УНЕСКО за номинации за наградите за образование на девојки и жени и за популаризација на науката за 2021 година

Од:

УНЕСКО ги повикува земјите членки да поднесат свои номинации за наградата за образование на девојки и жени за 2021 година. Целта на наградата, која е воведена во 2015 година, е да  им се оддаде признание на индивидуалци, групи или организации кои имаат реализирано проекти во кои е нагласено образованието на девојки и жени.

Кандидатурите, односно образложението за наградата за образование на девојки и жени и формуларот за номинација, се поднесуваат единствено преку перманентните делегации на државите членки во УНЕСКО, и преку онлајн-платформата на УНЕСКО: http://unesco.org/gwe, најдоцна до 26 мај 2021 година.

За навремено доставување на евентуалните кандидатури од нашата земја, потребно е сите заинтересирани предлозите да ги достават до Националната комисија за УНЕСКО во електронска форма, најдоцна до 17 мај 2021 година, со цел да бидат доставени до нашата Перманентна делегација во Париз.

УНЕСКО, исто така, ги поканува државите членки да достават предлози за кандидат за наградата Калинга за популаризација на науката за 2021 година. Информации за процесот на номинација се достапни на линкот: https://en.unesco.org/prizes/kalinga, со напомена дека секоја држава  членка може да номинира само по еден кандидат.

За евентуалниот кандидат од Република Северна Македонија за оваа награда, треба да се информира Националната комисија за УНЕСКО најдоцна до 5 мај 2021 година, со цел да биде испочитуван наведениот термин за доставување на кандидатурата до УНЕСКО – 17 мај 2021 година.

Би можело да ве интересира

Костадиновска-Стојчевска: Ги исполнуваме препораките на УНЕСКО и заеднички овозможуваме трајна заштита на Охридскиот регион

Мониторинг-мисијата на УНЕСКО на проценка во Охрид

ВИДЕО: Италијанското оперско пеење доби статус на културно наследство на УНЕСКО

Предраг Петровиќ

Ковачевски во УНЕСКО: Северна Македонија е мултикултурна реткост и придонесува во ефикасен мултилатерализам

Костадиновска Стојчевска: Статусот на УНЕСКО останува, остануваат и препораките за негово зачувување

Влада: Зачуван е престижниот статус на Охридскиот Регион на листата на УНЕСКО