На последниот ден од Летниот камп во Струга, петнаесет млади луѓе, претставници на општинските организации на Движењето ЗНАМ за Наша Македонија од целата држава, ја потпишаа Иницијативата за формирање на Клуб на млади.
Ова не е само нова организациска форма, туку почеток на една нова младинска политичка енергија што ќе ја движи Македонија напред. Клубот ќе биде отворена платформа за секој млад човек, простор каде ќе може да предложи своја идеја, визија и решение, а од тие идеи ќе произлезат политики што ќе ја градат иднината на нашата држава.
„Ние сме генерацијата што нема да ја напушти Македонија. Ние сме оние што ја сакаат, ја негуваат и ќе ја градат со срце и визија. Денес во Струга го поставивме темелот на младинската сила што ќе ја носи Македонија таму каде што заслужува – во кругот на модерните, праведни и европски држави.“ – истакнаа младите потписници на иницијативата.
Како дел од оваа иницијатива, младите на ЗНАМ ја најавија подготовката на Декларација на младите, документ што ќе ја претставува нивната
визија, вредности и цели за Македонија и ќе биде патоказ за генерациите што доаѓаат.
Клубот на млади на Движење ЗНАМ ќе биде училиште за идеи и лидерство, глас на младината и двигател на промените. Оваа иницијатива е доказ дека љубовта кон татковината не е само збор, туку конкретно дело, заеднички пламен што ќе го осветли патот на Македонија кон иднината.
Со оваа одлука, младите покажаа дека Македонија има иднина – силна, обединета и исполнета со надеж, посочуваат од ЗНАМ.