Екипи на „Улици и патишта“ Скопје, според утврдена програма од Град Скопје, поставија 160 сообраќајни знаци за забрана на движење тешки товарни моторни возила. Знаците се поставени на влезот во Сарај, влезот во Матка, Ѓорче Петров, влез во село Орман, влез Качанички пат, село Мирковци, Радишани, Бутел, Арачиново, Сингелиќ, клучка Автокоманда, булевар Војводина и улица 15. Корпус.
Со проектот за уредување на времен режим на сообраќај, се воведува забрана за движење товарни моторни возила над 15 тона на подрачјето на град Скопје.Сезонскиот времен режим на забраната за движење на тешки товарни возила е воведена од 1 јуни 2013.
ЈП Улици и патишта ги поставува сообраќајните знаци со цел да се заштитат коловозите од оштетувањата кои настануваат од големите оптоварувања на тешките моторни товарни возила во услови на високи дневни температури во летните денови.
Забраната ќе важи во временски период од 10 часот наутро до 20 часот и ќе трае се до 1 септември 2013 година.