На просторот меѓу градскиот пазар и блискиот станбен комплекс во Гевгелија поставен е летниковец дониран од Пивара Скопје во рамки на акцијата за поставување летниковци во десет општини во Македонија.
– Летниковецот е уреден и опремен за рекреативна намена и остварување на цели од јавен интерес во духот на донаторот кој со својата најнова кампања потсетува на пријателства, маалски анегдоти, приказни и отанатите мали нешта што ни значат, не радуваат и зближуваат, велат од општина Гевгелија.
Донираниот летниковец, додаваат, преминува во сопственост на општина Гевгелија која понатаму има обврска да се грижи за негово одржување, но секако и граѓаните кои ќе го користат првенствено ќе имаат обврска да го зачуваат во ваква состојба.