Поскок касна 14- годишно момче од радовишкото село Али-Коч, додека тоа ги напасувалo овците. Со симптоми на труење момчето е хоспитализирано на инфективното одделение во штипската клиничка болница.
Медиумите јавија дека семејството на 14-годишното момче реагирало брзо, па лекарите имале доволно време за да му помогнат.
Серум против змиски отров има во доволни количини, но инфектолозите апелираат каснатото место да се стерилизира и веднаш да се побара медицинска помош.