Поради магла видливоста на патиштата кај Дебар е намалена до 50 метри. Сообраќајот на сите државни патишта се одвива тековно по влажни коловози, информира во утринскиот извештај диспечерско-информативниот центар на Јавното претпријатие „Македонија пат“.
Во клисурите и усеците е можна појава на помали одрони, особено на патните правци: Кочани – Делчево, Виница – Берово, Маврово-Дебар-Струга, Демир Капија – Удово и Катланово-Велес.
На учесниците во сообраќајот им се препорачува внимателно управување со возилата, почитување на поставената сигнализација, како и прилагодување на брзината кон условите на патот.