Министерот за надворешни работи на Република Македонија, Никола Попоски ќе ја предводи македонската делегација на манифестацијата „Македонија во чест на Св. Кирил”, којашто традиционално се одржува во Рим.
Попоски ќе присуствува и на аудиенција кај папата Бенедикт XVI, а ќе ќе има средби со неговиот италијански колега Џулио Терци и со државниот секретар за односи со државите на Светата Столица, Доминик Мамберти.
На средбата со италијанскиот министер за надворешни работи Терци, се очекува да бидат разменети мислења за резултатите од Самитот на НАТО во Чикаго, за фазата во која се наоѓа Македонија за интегрирање во ЕУ, како и за на соработката на планот на културата.
На средба со архиепископот Мамберти се очекува да бидат потврдени добрите односи на Република Македонија со Светата Столица и да се разговара за можностите за развој на соработката.