Шефот на македонската дипломатија Никола Попоски денеска и утре ќе учествува на „Кроација форумот 2013“, што се одржува во Дубровник, соопшти МНР.
Традиционалниот годишен форум, кој годинава се одржува на тема „Европска енергетска безбедност“, ќе се фокусира на енергетскиот сектор, кој има сe поголема улога во дефинирањето на политиката во 21-от век.
Предвидено е министерот Попоски има обраќање на форумот. Покрај домаќинот, првиот потпретседател на Владата и министер за надворешни и европски работи на Хрватска Весна Пусиќ, ќе учествуваат и министрите за надворешни работи на Шведска, Турција, Унгарија, Летонија, Албанија, Црна Гора, како и други високи претставници од повеќе европски земји.
Годинашната тема на форумот произлегува од се поголемата улога на енергетиката во дефинирање на политиката во 21 век поради што може да има голема улога во дефинирањето на современите меѓународни односи. Сигурни, одржливи и достапни извори и снабдување се клучни за континуирана економска стабилност и стратешки интереси на Европа. Јакнењето на улогата на европската унија во меѓународните енергетски односи е клучно особено затоа што обезбедува политички решенија за зависност од странски извори.