Шефот на македонската дипломатија Никола Попоски денеска во Брисел во седиштето на НАТО, ќе учествува на состанокот на министрите за надворешни работи на земјите-членки на Алијансата и земјите учеснички во ИСАФ.
Како што соопшти МНР, на состанокот ќе бидат разменети мислења за натамошните активности и улогата на НАТО во Авганистан по 2014 година, во контекст на трајното партнерство на Алијансата со Авганистан.
Се очекува на маргините на состанокот министерот за надворешни работи Попоски да има повеќе средби со свои колеги.