Министерот за надворешни работи на Република Македонија, Никола Попоски денеска ќе присуствува на меѓународната конференција насловена „Од Балкански војни до балкански мир“, што ќе се одржи во Истанбул.
Предвидено е обраќање на присутните министри за надворешни работи од балканските земји, меѓу кои и министерот Попоски,а најавена е и интерактивна размена на мислења за конкретната тема на Конференцијата.
На маргините на Конференцијата предвидено е министерот Попоски да оствари повеќе билатерални средба со свои колеги од регионот.