Министерот за надворешни работи, Никола Попоски денес ги повика кумановчани да излезат на локалните избори и да го подржат кандидатот за градоначалник на ВМРО-ДПМНЕ, Зоран Ѓорѓиевски и советничката листа.
Тој нагласи дека Ѓорѓиевски ќе се бори да го реши проблемот со водоснабдувањето, невработеноста, ќе направи модерна автобуска станица, три нови градинки, Зелен пазар, нови спортски сали и многу други работи.
Ова ќе биде избор помеѓу два различни пристапи. Пристап кој во минатото го имате видено и е потврден како пристап базиран на дела, кој работи сериозно подготвува програма и проекти и врз основа на тоа остварува. Другиот е пристап на празни ветувања, кој создава хаос, и не го остварува она што е ветено. Мислам дека граѓаните ќе знаат да го направат вистинскиот избор – изјави Попоски.